ردت الفنانة فيفي عبده على ارتفاع أجور الراقصات خلال برنامج تليفزيوني قديم مع الإعلامية الكبيرة هالة سرحان، قائلة: "إحنا كل قرش بناخده تعبانين عليه تعب كبير، إحنا شقيانين أوي بالقرش".
أضافت فيفي عبده: "ربنا يبتلي أي حد بيلوم علينا أن يشوف التعب اللي بنشوفه في شغلنا، ده احنا الألماس في بدلة الرقص بيقع على المسرح بيدخل في رجلنا يعورنا ، فاتعلمت ألبس جزمة وأرقص بيها".
تابعت فيفي عبده: "ده احنا بنرقص ببدلة الرقص في عز البرد، وتبقا الستات قدامنا قاعدين بالفرو مش عارفين يصقفوا من كتر البرد".
اختتمت فيفي عبده: "منقولش إن القرش جه بسهولة، وربنا بيباركلنا في فلوسنا على بنشقى عليه".
